Bidh Seachdain Gàidhlig Dhùn Èideann a’ gabhail àite ann an ionadan air feadh a’ bhaile gu Didòmhnaich 25 Gearran.
Am measg nan tachartasan tha filmichean, “drop-ins” dha oileanaich, dannsa cèilidh agus cuirmean ioma-chànanach de sgeulachdan, òrain is bàrdachd.
’S e co-obrachadh a th’ anns an t-seachdain eadar an t-Oilthigh agus Comhairle Baile Dhùn Èideann gus cànan, cultar agus coimhearsnachd na Gàidhlig ann an Dùn Èideann, ’s na làithean chaidh seachad agus san latha an-diugh, a chomharrachadh. Tha i a-nis air a cumail an co-bhonn ri World Gaelic Week, fèis eadar-nàiseanta a tha a’ toirt daoine air feadh an t-saoghail ri cheile gus Gàidhlig na h-Alba a bhrosnachadh.
Tha tachartasan fosgailte dhan a h-uile duine – bho luchd-dealasach na Gàidhlig, chun fheadhainn a tha airson barrachd tuigse fhaighinn air cànan is cultar na Gàidhlig.
Prògram tachartasan
Bidh diofar chothroman aig luchd-dealasach na Gàidhlig iad fhèin a bhogadh ann an cànan, ealain agus cultar na Gàidhlig.
Mus fosgail am prògram oifigeil, bidh cèilidh air a chumail le Comann Ceilteach an Oilthighe air Dihaoine 16 Gearran.
Dimàirt 20 Gearran, bidh sgrìonadh film ann de ‘Calman nan Loch’, prògram aithriseach a choisinn duaisean, mu choimhearsnachd Ghàidhlig anns na h-Eileanan Siar.
Ann an àiteachan eile sa bhaile, bidh Ionad Sgeulachdan na h-Alba a’ cumail cabaret ioma-chànanach de sgeulachdan, òrain is bàrdachd gus Latha Eadar-nàiseanta Cànan na Màthar a chomharrachadh air Diciadain 21 Gearran.
Am measg a’ phrògraim, tha sreath de thachartasan sòisealta dhaibhsan a tha airson ceangal a dhèanamh ri luchd-dealasach, luchd-labhairt agus luchd-ionnsachaidh eile.
Bidh Comann nan Oileanach a’ cumail pop-up ann am Pottorrow gus àite a thoirt do dh’oileanaich aig a bheil Gàidhlig tighinn comhla agus do dhaoine a tha air ùr thighinn gu Gàidhlig, barrachd ionnsachadh mun chànan agus mun chultar.
Nas fhaide air adhart san t-seachdain, do luchd-labhairt agus luchd-ionnsachaidh na Gàidhlig bidh Pop up Ionad le geamannan, ceòl, sgeulachdan agus filmichean airson gach aois.
Prògram air làrach-lìn Seachdain Gàidhlig Dhùn Èideann: